Teksa jemi në një situatë post-apokaliptike pas tërmetit shkatërrimtar që goditi vendin mëngjesin e 26 nëntorit, që la pas 51 viktima e qindra të tjerë të plagosur, të tjera fenomene të pazakonte po denoncohen nga qytetarët, të ndërmarra nga shteti ynë, që dhe në të tilla situata ku duhet të jenë të angazhuar për të ndihmuar banorët e prekur nga tërmeti, merren me familjet e pambrojtura.
Së fundmi, një denoncim ka mbërritur në redaksinë e JOQ Albania, ku një qytetare dëshmon me fakte raprezaljen e rradhës të Policisë së Lleshit në një fshat të Devollit.
Bëhet fjalë për familjen Lushi nga fshati Poloskë, anëtarët e së cilës janë nxjerrë mbrëmjen e sotme nga policia jashtë banesës së tyre, pas një vendimi të Gjykatës së Korçës, me kërkesë të Përmbarimit.
Katër anëtarët e familjes Lushi, mes tyre edhe dy fëmijë, janë detyruar të flenë jashtë, pasi policia i nxorri me forcë nga banesa e tyre.
E afërmja e familjes Lushi, që ka dërguar mesazhin në redaksinë e JOQ Albania, shprehet se sipas vendimit të Gjykatës, banesa i takon motrës së Alban Lushit, por sipas saj shtëpia është ndërtuar nga vetë kryefamiljari dhe Gjykata e Korçës ka dhënë një vendim arbitrar.
Familjarët hedhin akuza për korrupsion ndaj Gjykatës së Korçës, Policisë dhe Zyrës Përmbarimore.
Siç shihet dhe në video, të afërm të tjerë të familjes u kanë ardhur në ndihmë dhe po qëndrojnë pranë tyre.
Mesazhi i plotë: