Shqipëria po vuan pasojat katastrofike të shkaktuara nga fatkeqësia më e madhe natyrore në dekadat e fundit, ku një tërmet shkatërrimtar me magnitudë 6.4 sipas shkallës Rihter goditi vendin, duke lënë pas 51 viktima, mbi 700 të plagosur dhe mijëra banesa të shkatërruara.
Solidarizimi me popullin shqiptar në këto ditë të vështira nuk mungoi nga e gjithë bota, veçanërisht nga shqiptarët e Kosovës e Diasporës, të cilët dhanë kontribute financiare dhe ndihma në forma të ndryshme për të prekurit nga tërmeti apokaliptik.
I tillë është edhe rasti i një emigranti shqiptar, i cili është detyruar të largohet nga vendi drejt Anglisë për një jetë më të mirë, i cili ka bërë një gjest të madh.
Ernest Ndoci, është i riu shqiptar, i cili ka vendosur të dhurojë fitimet e lavazhit të tij në ndihmë të një familje nga Kavaja.
Siç shihet dhe në video, banesa ku jeton familja nga një fshat i Kavajës ka pësuar dëmtime të mëdha nga tërmeti dhe për pak sa tërmeti nuk i ka zënë brenda.
Ai shkruan:
