Një ngjarje e turpshme ka ndodhur mbërmjen e djeshme në ndeshjen e basketbollit mes Teutës dhe Tiranës.
Lojtari i bardhebluve, Bruno Daliu ka ushtruar dhunë barbare ndaj arbitrit të ndeshjes, Muho duke e detyruar këtë të fundit ë largohet nga pallati i sportit, “Ramazan Njala”.
Sot ndaj lojtarit Daliu janë marrë masa nga policia, teksa ai është shoqëruar në komisiariat.
Ndërkohë, në lidhje me këtë ka reaguar Federata Shqiptare e Basketbollit e cila e ka cilësuar një akt shumë të turpshëm dhe të dënueshëm duke shtuar se ofron mbështetje për çdo veprim të autoriteteve.
Reagimi:
“Federata Shqiptare e Basketbollit dënon ashpër ngjarjen e shëmtuar të ndodhur të shtunën në mbrëmje në Pallatin e Sportit “Ramazan Njala”, në takimin midis Teutës dhe Tiranës, e vlefshme për javën e 7-të të Superligës së Kampionatit Kombëtar të Basketbollit për Meshkuj.
Dhuna barbare e ushtruar nga njëri prej lojtarëve të Tiranës kundrejt njërit prej gjyqtarëve të takimit është krejtësisht e pa përligjur, e pa papranueshme dhe thellësisht e dënueshme.
Skena të tilla, që për më tepër u përcollën drejtpërdrejt në ekranet e shqiptarëve nuk janë asgjë të përbashkët me basketbollin dhe bien ndesh me të gjitha vlerat që përçon sporti.
Federata Shqiptare e Basketbollit i uron gjyqtarit Muho shërim sa më të shpejtë, ndërsa mbështet plotësisht veprimet e Policisë dhe autoriteteve të ligjit, në përputhje me legjislacionin përkatës.
Federata Shqiptare e Basketbollit njofton opinionin publik se teksa po administrohet protokolli i ndeshjes dhe dëshmitë e ngjarjes, si dhe pamjet filmike ditën e hënë do të mblidhet Komisioni i Disiplinës në FSHB për të shqyrtuar dhe për vendosur mbi këtë ngjarje.