Valbona Sako e Durrësit i harron, banorët “Zot” të vetes rregullojnë rrugën: I nxorëm nga xhepi, me lopata si në Shek XIX!

Banorët e fshatit Arapaj në Durrës, shpesh shkruajnë në redaksinë e JOQ Albania dhe dërgojnë foto për të vënë duart në kokë, ku tregohen rrugët e këtij fshati të lëna në harresë totale nga Bashkia.

Teksa Durrësi përmbytet me një pikë shi, fshatrat e tij i ka përpirë balta... Nuk dihet se cila është e ardhmja e këtij qyteti, por banorët e Arapajt kanë vendosur t’i dalin vetë për Zot hallit të tyre dhe të rregullojnë vetë rrugën që në raste shirash bëhet e pakalueshme sidomos për fëmijët e vegjël.

Ata shprehen se janë ankuar prej disa kohësh dhe asnjë nuk i ka ardhur në ndihmë e janë lënë pa përgjigje.

Një prej banorëve shkruan:

Pershendetje JOQ, jeni faqja me e mir per hallet e popullit. Desha tju tregoj se si banoret e Arapajt ne Durres bejne investime nga xhepi per mirembajtjen e rruges duke e rregullu me lopata si ne shekullin xix ju lutem postojeni.”