Një denoncim tronditës mbërriti këtë të premte në redaksinë e JOQ Albania nga një punonjës i përpunimit të produkteve të mishit, i cili zbuloi katrahurën që ndodh në këtë industri.
Denoncuesi u shpreh se kompanitë më të njohura të përpunimit të produkteve të mishit në Shqipëri, fusin produktet e tyre në treg nga mishi i kafshëve të ngordhura, ndërsa bëri thirrje që populli të ngrihet për këtë abuzim që po i bëhet.
Ky denoncim në redaksinë e JOQ Albania bëri që dhe shumë qytetarë të tjerë të ngrinin zërin dhe të denonconin raste të tjera, që kanë të bëjnë me abuzimet që bëhen nga subjektet që përpunojnë dhe tregtojnë mish.
Mbrëmjen e sotme një tjetër denoncim shokues ka mbërritur në redaksinë e JOQ Albania, ku një specialiste e analizave laboratorike të ushqimeve, ka rrëfyer se çfarë ndodhte në fabrikat e përpunimit të mishit.
Ajo tregon se kur ka qenë studente, ka zhvilluar praktikën në disa fabrika të përpunimit të mishit, ku ka mbetur e shokuar.
Sipas denoncueses, nënproduktet e mishit përgatiten me brumëra të ngrira, të ardhura jashtë në formën e dhjamit, që në të vërtetë nuk dihet se çfarë ka brenda tyre.
Më tej, bioteknologia shprehet se sallamrat dhe proshutat mund të përmbajnë vetëm 1% mish, ndërsa pjesa tjetër përbëhet nga gjëra nga më të çuditshmet.
Ish-studentes i ka bërë përshtypje asokohe mungesa e laboratorëve për kryerjen e analizave të lëndës së parë apo të produkteve që përpunoheshin në kompanitë e mëdha, ndërsa për mini-fabrikat sipas saj, gjendja është për të vënë duart në kokë.
Por nuk mbaron me kaq!
"Mish i prishur, mish që bie përtokë e më pas hidhet sërish në makineritë e përpunimit, erëza speciale, ku çfarëdo produkti të futësh brenda, konsumtarit i duket si mish i vërtetë", shprehet ndër të tjera denoncesja.
E teksa kemi njohur vetëm majën e ajsbergut në këtë mega-skandal që rrezikon seriozisht jetën e qytetarëve, veçanërisht fëmijëve që i konsumojnë më tepër këto nënprodukte të mishit, çfarë duhet të mendojmë 90% që gjendet nën ujë, që mbetet ende "mister"? Institucioni përgjegjës mbi sigurinë ushqimore, AKU, që thuajse është inekzistent, çfarë duhet të presë akoma për të ndërmarrë masa të menjëhershme ndaj këtij skandali, që cënon në mënyrë direkte jetën e qytetarëve?
Denoncimi i plotë: