“T’i plotësoj të gjitha nga A-ja te Zh-ja”/ I premtoi ta kalonte në provime, lihet i lirë pedagogu që ngacmonte studenten e tij

Denis Himçi është pedagogu i Universitetit të Elbasanit, i cili u akuzua se i kërkoi favore seksuale studentes së tij. Ai u filmua në një kamera të fshehtë duke tentuar ta puthte atë dhe në këmbim do e kalonte atë në të gjitha provimet ku ishte mbetëse duke ndërhyrë kështu edhe tek kolegët e tij.

Çështja ndaj Himçit është pushuar ditën e sotme. Sipas prokurorisë, ai nuk ka kryer akte seksuale ndaj studentes së tij dhe kjo ka bërë që të lërë qelinë.

Në videon e publikuar, pedagogu tregohej këmbëngulës ndaj studentes së tij duke i bërë komplimente dhe duke i premtuar vajzës veç marrjes së provimeve edhe dhurata gjithashtu.

Ai dëgjohej t’i thoshte teksa e kishte atë në makinën tij luksoze tip “Audi”:

Mallkuar ai që nuk të do ty, të çoj unë për ndonjë masazh. Zëre se unë jam engjëlli yt dhe do t’i plotësoj të gjitha nga A-ja te Zh-ja”.