Kejvina Kthella është vënë në qendër të vëmendjes mediatike kohët e fundit, për shkak të marrëdhënies së saj me Redjan Rrajan, të riun me profesion stomatolog, i cili akuzohet se është një prej atentatorëve të ngjarjes së ndodhur ku ngeli i plagosur prokurori Arjan Ndoja dhe ndërroi jetë shoferi i tij, Andi Maloku.
Ajo është thirrur disa herë në prokurori për të dëshmuar në lidhje me deklaratat e Rrajas. Ky i fundit është shprehur se në momentin që ka ndodhur atentati ndaj prokurorit, ndodhej me të dashurën e tij, Kejvinën.
Velinës bukuroshe i sekuestruan celularin, të cilin më pas ia kthyen sërish, por në të njëjtën kohë i kanë bllokuar llogaritë bankare dhe automjetin me të cilin lëvizte. Makina që përdorte Kejvina, një “Audi” me vlerë mbi 30 mijë euro, dyshohet se ka qenë një dhuratë nga i riu Rraja.
Së fundmi ajo ka dhënë një mesazh në rrjetet sociale, pasi ka publikuar një shprehje:
Redjan Rraja u arrestua disa ditë më parë dhe akuzohet si një nga atentatorët e 1 nëntorit, ku vdiq Andi Maloku dhe u plagos prokurori Arjan Ndoja dhe miku i tij, Pëllumb Ymeri (Rrumi i Shijakut).
Deri më tani, pista e hetuesve është ajo e konflikteve për pronat tek Gjiri i Lalzit, dhe grupi i atentatorëve dyshohet se përbëhet nga 5 persona, mes tyre edhe Julian Sinaj, “Juli i Pashakos”, por ky i fundit i mohoi akuzat.
