Ministrja e Drejtësisë, Etilda Gjona, ishte e ftuar mbrëmjen e djeshme në emisionin "Real Story" në News24, ku ndër të tjera foli për reformën në drejtësi.
Ajo u shpreh se reforma në drejtësi është shumë e rëndësishme për përparimin e Shqipërisë.
Në një përpjekje të pastër, por të dëshpëruar për t'u hedhur hi syve shqiptarëve, Gjonaj tha se SPAK dhe BKH do të ngrihen e funksionojnë të pavarura, pa ndërhyrjen e qeverisë. Ministrja "me 5 yje", që i kushton nata në hotel rreth 700 euro, para të cilat vijnë nga taksapaguesit shqiptarë, tregon se qeveria ka vendosur të mbajë duart lart dhe t'ua lërë në dorë institucioneve përkatëse zhvillimin e procedurave për ngritjen e SPAK-ut.
Ajo tha:
Mirëpo, Gjonaj ndoshta harron që për kryetarin e Këshillit të Emërimeve në Drejtësi (KED), Ardian Dvorani, ka akuza të forta nga presidenti i Republikës, Ilir Meta, i cili e ka kallëzuar penalisht tek Krimet e Rënda.
SPAK do të ngrihet nga KED-ja, por kryetari i saj Dvorani akuzohet nga kreu i Shtetit për "shpërdorim detyre" dhe për "përvetësimi te titullit apo detyrës shtetërore", ndërsa Krimet e Rënda kanë nisur hetimet.
Presidenca paralajmëroi edhe publikimin e disa materialeve audio/video, në një prej të cilave është i përfshirë edhe kryetari i KED-së, i cili ndër të tjera akuzohet edhe për lidhje të ngushta me qeverinë.
Nëse akuzat ndaj Dvoranit provohen, ai mund të dënohet deri në 7 vjet burg.