Lëngoi për ditë me rradhë në spital, avokati Altin Goxhaj lë ambientet e Infektivit

Një lajm i mirë vjen për avokatin e njohur, Altin Goxhaj, i cili ka lënë ambientet e Spitalit Infektiv, ku ndodhej prej datës 11 nëntor, për shkak të një helmimi.

Lajmi është bërë i ditur nga vetë avokati Goxhaj, i cili ka postuar një foto në llogarinë e tij në "Facebook" pak orë më parë, ku shihet në krah të dy familjarëve të tij, teksa del nga Spitali.

Ai shprehet:

Duke dalë nga Spitali shnosh e mirë 🙂 Tani fillon puna për Koalicioni Për Shqipërinë!!!

Helmimi i avokatit është cilësuar "misterioz", pasi mjekët ende nuk kanë përcaktuar diagnozën.

Disa ditë më parë Goxhaj tregoi se ndihej i dërrmuar, ndërsa theksoi se e kanë helmuar në mënyrë të sofistikuar.

Ai shkroi:

Më vjen keq së s'ju përgjigjem por jam i dërrmuar sps MË KANË HELMU NË MËNYRË TË SOFISTIKUAR dhe çdo mbrëmje se di ns do e gdhi të nesërmen sps po përkeqësohem!"

Ndërsa tre ditë më parë, Goxhaj theksoi se do të shkojë jashtë vendit për të bërë diagnostikimin e plotë. Në përfundim të postimit të tij, ai ka treguar se tani po pi kafen e parë pas dy javësh.

Avokati deklaroi:

Sot është mëngjesi i parë që i kam të gjithë parametrat në rregull që nga ushqyerja e deri te nxjerrja jashtë por ende s’kemi gjetur diagnozën e këtij helmimi. Temperatura është stabilizuar dhe s’ka më 40 gradë. Dhimbjet dhe lodhja kanë ikur. Ndaj përveç se të mbaroj serumet do iki jashtë për disa ditë për të bërë diagnostikimin e plotë. Në këmbë më keni që sot. Ndaj ju falënderoj për super inkurajimin dhe ju premtoj që tani fillon lufta e vërtetë me Establishmentin Për Shqipërinë! Ju dua shumë shumë shumë. Tani pas 2 javësh jam duke pirë për herë të të parë, kafen e mëngjesit poshtë pavionit të Infektivit."

Avokati Altin Goxhaj njihet për qëndrimet e tij të forta kundër filantropit të njohur, George Soros dhe organizatave të tij që operojnë në Shqipëri, një betejë të cilën e zhvillon prej disa vitesh.

Gjithashtu Goxhaj ka denoncuar edhe disa skandale në media, si dhe lidhjet e Ramës e Veliajt me oligarkët. Ai njihet gjithashtu si një kritik i ashpër jo vetëm i qeverisë, por edhe i opozitës së drejtuar nga Lulzim Basha.