“Nuk e di si do jetojmë kështu!”/ I premtoi shtëpi, Veliaj lë në kasolle banorët e dëmtuar nga tërmeti

Tërmetet që tronditën Shqipërinë në muajin e shtatorit lanë pas shumë dëme materiale. Familje të zonave ku goditja ishte edhe më e madhe u detyruan të jetonin në çadra apo edhe kasolle. Edhe pse, pas tërmetit qeveritarët dhe ata që duhet t’i shërbejnë popullit propaganduan përmirësim të situatës, duket se askund nuk është vënë dorë.

E njëjta situatë ka ndodhur edhe me familjen Zeneli, e cila jeton në një kasolle të improvizuarm edhe pse dimri po afron. Aty jeton çdo e cila më kot pret dita ditës që bashkia e Tiranës dhe qeveria ti mbajnë premtimin për ta ndihmuar pas tërmetit.

Një banore mes vuajtjesh thotë:

Bëmë letrat i dërguam tek bashkia e madhe dhe i dërguam tek komuna. Shkojmë atje por nuk na japim asnjë përgjigje. Nuk e di si do jetojmë kështu. Kemi bërë një kasolle me teneqe, ku të shkojmë."

Një çati e mbuluar me plasmas është pasojë e një premtimi të pambajtur se banesa e tij do të ndërtohej nga e para pas fenomenit natyror ku fati e deshi që shtëpia e tij e vjetër të bëhej krejt e pabanueshme.

Në zonën e Sharrës në kryeqytet, kjo nuk është e vetmja banesë e cila pret të restaurohet ndërsa banorët kanë plotësuar dosjet e kërkuara nga shteti.

Një qytetar shprehet:

Nuk ka ardhur asnjë përfaqësues nga shteti. Kemi bërë shumë ankesa.”

Familjarët shprehen se tërmeti i të dielës me magnitudë 3.6 ballë ka ndikuar që të ketë rënie të tavanit dhe suvatimeve.

Nga tërmeti i 21 shtatorit vetëm në Tiranë u dëmtuan me qindra banesa ndërsa kryeministri Rama dhe kryebashkiaku Veliaj kanë premtuar restaurimin përpara festave të fundvitit.