Erjon Maskaj, Bledar Maskaj, Taulan Hoxhaj dhe Geront Aliaj janë katër shqiptarët që kanë rënë në pranga nga policia italiane.
Ata merreshin me aktivitetin e shitjes së narkotikëve, mirëpo autoritetet italiane finalizuan operacionin 'Dhelprat e Ballkanit' dhe bënë të mundur kapjen e tyre.
Raportohet, sipas mediave fqinje, se katër shqiptarët dhe një italian mbillnin drogën në vazo hermetike e më pas e groposnin në pyll.
Të katërt rezultojnë se janë rezident në Itali, ku më së tepërmi vepronin me aktivitetin e tyre ilegal në provincën e Genoas.
Gjatë operacionit u gjet rreth 1 kg drogë e llojeve të ndryshme, të tipit marijuanë, kokainë, heroinë dhe hashash. Duke pasur parasysh faktin se në kuadër të së njëjtit operacion, edhe më herët ka pasur të arrestuar, numri i të arrestuarve tashmë ka shkuar në 16 vetë.
Shumica e të arrestuarve janë shqiptarë që punonin në bujqësi ose nëpër ferma.