Një ngjarje e rëndë ka ndodhur në spitalin e Peqinit, ku një djalë i ri ka qëlluar një prej mjekëve. Zyrtarisht mësohet se në pranga ka rënë 32-vjeçari A.K.
Ai ka shkuar në spitalin e qytetit ku banon dhe nën efektin e alkoolit ka goditur mjekun Y.T., i cili ndodhej në krye të detyrës.
Nuk dihet ende se cilat janë shkaqet e këtij veprimi nga ana e 32-vjeçarit dhe as motivi për të cilin ai ka debatuar me mjekun.
Njoftimi i policisë:
Godet mjekun e spitalit në Peqin, vihet nën pranga nga Policia 32-vjeçari.
Specialistët për Hetimin e Krimit në Komisariatin e Policisë Peqin bënë arrestimin në flagrancë të shtetasit A. K., 32 vjeç, banues në Peqin.
Ky shtetas ka shkuar në spitalin e Peqinit dhe nën efektin e alkoolit ka goditur për shkak të detyrës mjekun Y. T.
Pas marrjes së njoftimit, shërbimet e Policisë Peqin kanë shkuar menjëherë në vendngjarje, ku kanë bërë kapjen dhe arrestimin e autorit.
Materialet hetimore i kaluan Prokurorisë pranë Gjykatës së Shkallës së Parë Elbasan, për veprime të mëtejshme.
Foto ilustruese
