Redjan Rraja është arrestuar ditën e martë si një nga personat që dyshohet të ketë marre pjesë në atentatin ndaj Prokurorit Arjan Ndoja dhe dy personave të tjerë më 1 nëntor në Shkozet të Durrësit.
“Vizion Plus” siguroi foton e 34 vjeçarit nga Fushe Kruja, personazh i njohur për policinë. Veç kësaj ngjarje ai ka qenë i hetuar edhe në vrasjen e Elton Çiços në ish bllok vite më parë, ku Redjan Rraja akuzohej se kishte fshehur pistoletën që mbante viktima Çiço.
Ai u kap të martën nga policia pasi hetuesit kanë gjetur prova të mjaftueshme që implikojnë Rrajën edhe në atentatin ndaj prokurorit Ndoja të premten e kaluar në Shkozet të Durrësit. Në këtë atentat u plagos rëndë shoferi i prokurorit, Andi Maloku dhe Aleksandër Laho, personazh kontrovers që njihet edhe me emrin Landi Muharremi dhe pseudonimin “Rrumi”, apo i forti i Sukthit.
Kujtojmë se Redjan Rraja është nip i deputetit të Partisë Socialiste, Ramadan Rraja. Ky i fundit ka reaguar në lidhje me arrestimin e nipit të tij, ku ka deklaruar se nëse gjithçka vërtetohet, nipi duhet të vuajë dënim maksimal.
Redjan Rraja
