JOQ Albania
Home

Pamjet që të therin në shpirt/ Gruaja ushqehet me plehra 50 metra larg zyrës së Ramës
Shkruar nga: F Tenolli | Publikuar më: 29/10/2019 18:28

  • Share
  • Share
  • Share
  • Share

Mjerimi në vendin tonë është ulur këmbëkryq dhe këtë gjë e tregojnë më së miri rastet e ardhura në redaksinë e JOQ Albania.

Gjatë ditës së sotme një qytetar ka nisur një video, ku shikohet se ç’mjerim ka rënë populli shqiptar. Pamjet e kësaj videoje tregojnë një grua që ushqehet me mbeturina në mes të rrugës.

Qytetari që ka nisur videon ka shkruar:

Kjo video është bërë 50 m larg Kryeministrisë.’’

Ndërkohë që kryeministri Edi Rama prej vitesh bërtet me të madhe se Shqipëria ka rilindur dhe se mirëqenia e shqiptarëve është rritur, do të duheshin ditë dhe mijëra faqe ndoshta për të shkruar të gjitha premtimet që ka dhënë ai.

Por siç kuptohet ato i ka marrë të gjitha era dhe shqiptarët po vuajnë për bukën e gojës. Po po, vuajnë ata shqiptarë që nuk kanë pasur mundësi të ikin nga ky vend.

Kujtojmë këtu se vitet e fundit një numër i madh shqiptarësh e kanë braktisur vendin jo nga dëshira, por nga pamundësitë ekonomike.

Premtimet e Ramës kanë qenë vetëm fjalë boshe, pasi realitetin e tregon videoja që ka mbërritur pranë redaksisë së JOQ Albania, pamjet e së cilës flasin më shumë se 1000 fjalë.