Banda e “skifterëve” shqiptarë i grabiti banesën, e fejuara e Moratës rrëfen tmerrin që përjetoi

Policia spanjolle arrestoi pak ditë parë katër shtetas shqiptarë, për të cilët u provua se ishin autorë për grabitjen e banesave të disa futbollistëve të Real Madrid dhe Atletico Madrid.

Mes banesave të grabitura ishte edhe ajo e sulmuesit të Real Madrid, Alvaro Morata.

E fejuara e futbollistit, Alice Campello, ka folur për herë të parë për përvojën traumatike që kaloi bashkë me dy fëmijët e saj, kur banesa e tyre u grabit nga banda e "skifterëve" shqiptarë.

Në një intervistë për televizionin spanjoll "Deportes Cuatro", ajo u shpreh:

Ato ditë ishin shumë të vështira. Unë as nuk mund ta laja fytyrën sepse të mendoja dhe kisha frikë se dikush ishte pas meje. Ishte e vështirë."

Në momentin e grabitjes, e cila ndodhi qershorin e kaluar, e fejuara e Moratës ndodhej vetëm me dy binjakët në shtëpi, pasi ylli i Real Madrid po luante për skuadrën Kombëtare të Spanjës.

Ajo shtoi më tej se nuk ja uron askujt të përjetojë një eksperiencë të tillë me familej në shtëpi.

Alice tha:

Unë nuk dëshiroj që dikush ta jetojë këtë përvojë me familjen në shtëpi."

Kujtojmë këtu se pre e grabitjes së bandës së shqiptarëve kanë rënë edhe banesat e futbollistëve të njohur si Isco, Casemiro, Vasquez, madje ata nuk kanë kursyer as shtëpinë e trajnerit të Realit, Zinedine Zidane.