Në emisionin investigativ "Le Iene" të Mediaset në Itali, u publikua mbrëmjen e djeshme historia e dhimbshme e një babai shqiptar, që kërkonte djalin e tij 11-vjeçar, Alvinin, të cilin e kishte rrëmbyer nëna e tij në Siri.
Kjo e fundit humbi jetën gjatë bombardimeve në Siri, ndërsa Alvini i vogël u dërgua në një kamp në pjesën kurde të Sirisë, ku mbaheshin të akuzuarit për lidhje me organizatën ekstremiste ISIS.
Pas 5 vjetësh, gazetarët e emisionint "Le Iene" bënë të mundur që babai ta takojë djalin e tij pas e ta përqafojë pas kaq kohe, ndërkohë që nuk mund ta merrte dot në Shqipëri pa prezencën e një diplomati shqiptar, për shkak se i mituri ka nënshtetësi shqiptare.
Mirëpo ambasadori shqiptar në Turqi, Gent Gazheli, i cili premtoi se do ta zgjidhte çështjen fillimisht, i mbylli telefonin gazetarit italian Lugi Pelazzo, për të mos ja hapur më, duke shkaktuar një skandal diplomatik.
Lidhur me këtë çështje, reagoi edhe kryeministri Rama në konferencën për dështimin e negociatave me BE-në, ku i doli në krah ambasadorit shqipar, duke u justifikuar se nuk mund të bëjë dot asgjë, pasi është një çështje përtej Ambasadës.
Gazetari i "Le Iene" në Shqipëri, Taulant Kopliku, ka reaguar pas deklaratës së kryeministrit Rama.
Përmes një statusi në "Facebook", Kopliku thekson se kryeministri Rama i ka akuzuar dy vite më parë gazetarët e "Le Iene" si manipulues për një reportazh të fëmijëve të kromit në Bulqizë.
Gazetari sqaron se ambasadori shqiptar në Turqi premtoi se do ta zgjidhte rastin, më pas është tërhequr befasisht, dhe kjo gjë sipas tij është e faktuar nga emisioni.
Me ironi, gazetari shkruan se pasi Ramës të kalojë euforia "anti-Macron", do të verifikohet nëse është apo jo kompetencë e ambasadorit, ndërhyrja për një rast të tillë, si i 11-vjeçarit që po mbahet peng në kampin sirian.
Postimi i plotë:
