Pak ditë më parë u publikuan në internet disa pamje të dhimbshme nga një laborator në Gjermani që bënte eksperimente me majmunë.
Pamjet e rënda shkaktuan zemërim dhe indinjatë tek opinioni publik, ndërsa autoritetet gjermane bastisën laboratorin në fjalë, i cili pritet të mbyllet së shpejti.
Laboratori famëkeq ndodhet në Mienenbuttel, Hamburg, dhe përveç majmunëve, në këtë "ferr" keqtrajtoheshin edhe macet dhe qentë.
Së fundmi në internet janë publikuar të tjera pamje të tronditëse, të filmuara brenda laboratorit gjerman.
Në pamje shihen disa qen të cilët janë torturuar mizorisht dhe përreth tyre ka njolla gjaku në dysheme.
Pamjet u publikuan nga aktivistët për të drejtat e kafshëve, të cilët pretendojnë se janë filmuar në fshehtësi në të njëjtin laborator, ku majmunët u filmuan duke ulëritur për shkak të dhimbjeve pas kryerjes së eksperimenteve barbare.
Ata thanë se nuk mundën dot t'i publikonin të gjitha pamjet e filmuara, pasi ishin vërtet të tmerrshme.
Aktivistët kanë bërë thirrje që laboratori të mbyllet plotësisht, pasi kafshët u janë nënshtruar "vuajtjeve të paligjshme", ndërsa theksuan se qentë kishin mbetur të sëmurë si pasojë e eksperimenteve të kryera.
Ata pretendojnë se qentë po përdoren për një eksperiment, në të cilin po testohen efektet e substancave toksike, madje akuzojnë stafin e laboratorit se shumë nga qentë kanë vdekur.
Sipas investigimit të tyre, në laborator kryheshin eksperimente me qentë, macet, lepujt dhe majmunët.
Aktivistët për të drejtat e kafshëve thonë se ata arritën të futnin një aktivist mbi stafin në laborator midis dhjetorit 2018 dhe marsit 2019.
Ata thanë:
Prokurorët në Gjermani kanë nisur një hetim paraprak mbi akuzat e mizorisë së kafshëve në laborator.
Burimi: LADbible|Përktheu dhe Përshtati: JOQ Albania