Të gjithë e dimë që nëse marrim shumë valixhe me vete në aeroport do të paguajmë ekstra. Por, një pasagjere nga Filipinet nuk kishte ndërmend që të shpenzonte para shtesë dhe gjeti një zgjidhje alternative.
Gel Rodriguez, nga qyteti Davao arriti në aeroport me 9 kg peshë në valixhen që kishte me vete, 2 kg më shumë se maksimumi i peshës së lejuar.
Por, në vend që të paguante ekstra për peshën shtesë që kishte, ajo vendosi që t'i hiqte gjërat më të rënda nga valixhja dhe t'i vishte. Pra, me pak fjalë ajo veshi një sërë xhaketash, këmishësh dhe pantallonash, njëra pas tjetrës.
Kështu, Gel arriti që të hiqte nga valixhja e tij 2.5 kg peshë dhe ia doli të hipte në avion pa paguar ekstra.
Për të festuar 'arritjen' e saj ajo postoi një foto të sajën në Facebook ku tregonte shtresat e rrobave që kishte veshur për të shmangur tarifën shtesë.
Foton ajo e shoqëronte me hashtagun #ExcessBaggageChallengeAccepted.
Postimi u bë shumë shpejt viral duke marrë më shumë se 33,000 pëlqime dhe 20,000 shpërndarje.
Burimi:LAD BIBLE|Përktheu dhe përshtati:JOQ Albania
