Ikona e gazetarisë sportive shqiptare thumbon keq Shakohoxhën: Njoh një komentator që bërtet kot!

Një nga gazetarët dhe komentatorët më të vjetër dhe më të spikatur sportiv në vend, Ahmet Shqarri, ka komentuar gazetarinë sportive në ditët e sotme, duke bërë kritika të forta.

I ftuar në emisionin "Vizioni i Pasdites", Shqarri nuk hezitoi të thumbojë Dritan Shakohoxhën, megjithëse nuk i përmendi emrin, duke e konsideruar si "një komentator që bërtet kot".

Më tej ai tregoi se sot nuk ekziston më gazetaria e mirëfilltë sportive në vend, dhe ata që e ushtrojnë këtë profesion sipas tij, mund të jenë me diploma false.

I pyetur nëse ai i njeh komentatorët e futbollit sot, Shqarri u përgjigj:

Jo nuk i njoh, njoh njërin që bërtet kot. Nuk kam një emër, pse të them më vjen keq. Unë isha i vetmi në kohën time, por sot rrezik që nuk ka as fakultete dhe mund të jenë me diploma false."

Kujtojmë se Shqarri ka punuar si komentator sportiv në emisionin radiofonik të famshëm për sportdashësit shqiptarë dhe më gjerë, "Nga një ndeshje në tjetrën".