JOQ Albania
Home

Grabitësi futet në farmaci/ Gjyshja i jep lekët e frikësuar, ai e puth në ballë: Rri e qetë, nuk i dua
Shkruar nga: E Prifti | Publikuar më: 17/10/2019 13:34

  • Share
  • Share
  • Share
  • Share

Një grua e moshuar në Brazil iu dorëzua me duart lart një grabitësi por, për habinë e saj, mori një puthje në ballë. Pamjet e filmuara nga kamerat e sigurisë në një farmaci tregojnë disa grabitës teksa i kërkonin para punonjësit pas banakut.

Gruaja e moshuar, e cila banon tek shtëpia ngjitur me farmacinë ngriti duart dhe i tha grabitësit se do t’i jepte paratë që kishte me vete.

Por, grabitësi i armatosur, e kapi tek shpatulla dhe duke u munduar që ta qetësonte i dha edhe një puthje në ballë. Incidenti ka ndodhur pasditen e së martës në qytetin e Amarante-s.

Pronari i farmacisë Samuel Almeida u shpreh për mediat vendase se burri u fut brenda dhe i kërkoi punonjësit që t’i jepte të gjitha paratë që kishte aty.

Më pas, e moshuara, u afrua dhe ofroi t’i jepte paratë e saj. Por grabitësi i refuzoi.

Ai i kishte thënë gjyshes:

Jo zonjë, rri e qetë, nuk i dua paratë e tua."

Më pas i dha edhe një puthje në ballë. Hajdutët u larguan nga farmacia me 240 dollarë dhe sende të tjera me vlerë.

Burimi:Mail Online|Përktheu dhe përshtati:JOQ Albania