UEFA nis të lëvizë dhe së fundmi ka njoftuar se ka nisur hetimet në lidhje me përshëndetjen ushtarake që lojtarët e Turqisë, bënë pas golave të shënuar ndaj Shqipërisë dhe Francës.
Festa e lojtarëve turq ka shkaktuar shumë polemika, pasi ata mbështesin hapur sulmet e Turqisë në Sirinë e Veriut.
Së fundmi, UEFA bën me dije se një Inspektor nga Komisioni i Etikës dhe Disiplinës, është ngarkuar me detyrën për të nisur hetimet disiplinore, në lidhje me një sjellje të mundshme politike dhe provokative, nga lojtarët turq, në ndeshjet ndaj Shqipërisë më 11 tetor, dhe Francës më 4 tetor.
UEFA shkruan se më tepër informacion, në lidhje me vijueshmërinë e këtij hetimi do të ketë një moment të dytë. Turqia rrezikon një gjobë të majme, ose edhe një masë ekstreme si përjashtimi, por gjithsesi, fjalën e fundit do ta thonë komisionet e UEFA-s.
Nga gjithë kjo situatë mund të përtojë Shqipëria. Jo për festimin ushtarak të lojtarëve turq në ndeshjen ndaj nesh, sepse në këtë rast masa është vetëm disiplinore nga organet që drejtojnë futbollin. UEFA mund ta përjashtojë Turqinë nga aktivitetet e saj, nëse Erdogan nuk tërhiqet nga sulmet në territorin kurd në Siri.
Është një situatë e ngjashme me atë të ish-Jugosllavisë në vitin 1992, kur ajo, pikërisht për shkak të sulmeve në Bosnjë, u përjashtua nga Europiani dhe vendin e saj e zuri Danimarka. Në këto kushte, kuqezinjtë kanë një arsye më shumë për të luftuar fort për vendin e tretë në Grupin H.
