Kujt nuk do t'i pëlqente që të udhëtonte me stil dhe të mos i mungonte asgjë nga shtëpia.
Një familje me 8 anëtarë kanë shpenzuar 1.5 milionë paund për të krijuar një apartament luksoz mbi rrota ku nuk u mungon asgjë. 'Bisha' mbi rrota e cila ka kushtuar 1.5 milionë paund, është ndërtuar nga kompania australiane SLRV Expedition Vehicles.
Familja me 8 anëtarë donin të udhëtonin në luks dhe kështu i treguan kompanisë se cilat ishin planet e tyre për 'apartamentin' lëvizës.
Kështu, skuadrës së drejtuar nga Warwick Boswerger iu desh të përballej me një sfidë të vërtetë për të krijuar diçka kaq të avancuar teknikisht, por ia dolën më sukses ta çonin deri në fund.
Siç duket edhe nga pamjet, ky 'apartament' mbi rrota vjen i pajisur me një makinë larëse, 10 krevatë, një kuzhinë ku nuk mungon asgjë, dhomë ndenjeje, ngrënieje dhe një banjo.
Familja në fjalë donte të vizitonte vende ku ishte vështirë të shkohej, por në të njëjtën kohë donin që të kishin gjithçka që mund t'u nevojitej edhe në mes të asgjësë.
Rezultati? Një shtëpi 'gjigante' mbi rrota.
Sa i përket energjisë elektrike, sipas Warwick, automjeti është i pajisur me një sistem unik baterie që ngarkohet ndërsa kamioni ecën nëpër rrugë. Veç kësaj ai është i pajisur edhe me një panel diellor që është i vendosur në çati.
Burimi:UNILAD|Përktheu dhe përshtati:JOQ Albania
