Kryetarja e Komisionit të Jashtëm Parlamentar dhe njëkohësisht deputetja e Partisë Socialiste, Mimi Kodheli ka bërë një deklaratë befasuese, teksa jemi pak ditë para dhënies së vendimit të Këshillit Europian për çeljen e negociatave të Shqipërisë me BE-në.
E ftuar në "Report Tv", Kodheli u shpreh se nëse nuk hapen negociatat javën që vjen, humbja do të jetë e BE-së dhe jo e shqiptarëve.
Ndër të tjera, Kodheli tha:
Kjo deklaratë e papritur, që ka shkaktuar reagime të shumta në opinionin publik, vjen pasi Franca propozoi që hapja e negociatave me Shqipërinë dhe Maqedoninë e Veriut, të bëhet në vitin 2020.
Mesa duket qeveria e ka kuptuar që vendimi i Këshillit Europian mund të jetë negativ, për shkak se ende se plotësimi i kushteve të vendosura nga ndërkombëtarët duket ende shumë larg.
Madje edhe kryeministri Rama, duke parë kritikat e BE-së ndaj Shqipërisë, mori pjesë në një konferencë në Novi Sad të Serbisë, ku u takua me homogun e tij serb, Aleksandër Vuçiç dhe kryeministrin maqedonas, Zoran Zaev, ku ndër të tjera firmosën një deklaratë për krijimin e një "mini-Shengeni Ballkanik", por pa përfshirë Kosovën, gjë e cila mund të përkthehet në një formë "presioni" që kreu i qeverisë shqiptare po tenton t'i bëjë Unionit Europian.