Gjykata e Kavajës ka dhënë ditën e sotme masën e arrestit me burg për Bledar Toçin, efektivin e burgjeve, i cili disa ditë më parë qëlloi dhe la të vdekur në vend Dritan Haxhollin, në banesën e Marsida Qatjas.
Ngjarja ndodhi në qytetin e Kavajës, pasi Haxholli kishte shkuar në shtëpinë e Qatjas me kallashnikov në dorë dhe kishte qëlluar ndaj efektivit, i cili është shprehur se është mik i Marsidës.
Gjithashtu, Gjykata la në burg edhe vëllain e policit, Bernard Toçi. Ky i fundit akuzohet për posedim të lëndëve narkotike. Gjatë kontrollit nga policia, në banesën e tij u gjetën doza kokaine.
Mirëpo, sot gjatë seancës gjyqësore, babai i vëllezërve Toçi ka bërë një deklaratë të papritur. Duke dorëzuar një akt noterial, ai ka deklaruar se kokainën e përdorte vetë për efekt qetësues. Burri ka pranuar në këtë mënyrë se është posedues i drogës së fortë.
Viktima, Dritan Haxholli (majtas)/ Autori, Bledar Toci (djathtas)
