JOQ Albania
Home

Çdo ditë tek i njëjti vend, ky është qeni që priti për 4 vite familjen që e humbi në rrugë
Shkruar nga: E Prifti | Publikuar më: 13/10/2019 0:58

  • Share
  • Share
  • Share
  • Share

Një tjetër histori që vjen nga Tajlanda vërteton edhe një herë që qentë janë shumë të mirë dhe të ‘pastër’ për këtë botë.

Një qen, që kishte humbur familjen me të cilën jetonte, ka pritur për 4 vite tek i njëjti vend derisa u bashkua sërish me pronarët e tij.

Fotot e qenit u ndanë në rrejt nga një banor Anuchit Uncharoen i cili e pikasi teksa rrinte në anën e një rrugë në Distriktin Mueang. Nga mënyra sesi po qëndronte si dukej kafsha e gjorë ishte braktisur.

Anuchit pa një grua e cila vinte shpesh për ta ushqyer, dhe pasi pyeti vërdallë zbuloi se qeni besnik të cilit banorët vendas ia kishin vënë emrin Leo, kishte 4 vite që priste tek i njëjti vend.

Si duket ai vuante nga një problem më lëkurën pasi jetonte rrugëve, dhe gruaja që e ushqente u përpoq ta merrte në shtëpi, por ai shkoi sërish tek i njëjti vend në rrugë.

Kështu që ata vendosën që historinë e Leos ta bënin publike në internet.

Për fat të mirë një familje i kontaktoi duke u thënë se ai ngjante me BonBon, një qen që ata e kishin humbur 4 vite më parë.

Ata shkuan ta merrnin dhe Leo menjëherë nisi ta lëvizte bishtin i gëzuar, por gjithsesi gjithë ajo kohë e kaluar aty bëri që të mos donte të largohej.

Kështu qeni vazhdon të rrijë në të njëjtën rrugë dhe Pinnuchawet do vazhdojë të kujdeset për të.

Burimi:UNILAD|Përktheu dhe përshtati:JOQ Albania