Një 51-vjeçar ka rrahur për vdekje me shufër hekuri gruan e tij Ann Marie, 49-vjeç në shtëpinë e tyre në Cheshire. E çuditshmja është se pas vrasjes, David Pomphret u hoq si një aktor i vërtetë përpara policisë duke u shfaqur sikur nuk e dinte se çfarë kishte ndodhur. Madje ai tregoi se gruan e kishte gjetur ashtu dhe se ishte tmerruar nga kjo ngjarje.
Burri 51-vjeçar ishte shtirur përpara efektivëve të policisë sikur ai kishte dashur të jepte edhe ndihmën e parë por që nuk kishte arritur dot t’a sillte në jetë gruan e tij. Por njollat e gjakut të gjetura në çorapen e tij e tradhëtuan dhe në fund tregoi të vërtetën.
51 vjecari pretendon se bashkëshortja ishte tallur me vajzën e tyre, duke e quajtur “ një trashaluqe” e më pas edhe me performancën e tij të ulët seksuale. Dhe kjo kishte bërë sipas tij, që t’i erreshin sytë dhe ta godiste pa mëshirë në atë që e cilësoi si një “humbje të përkohshme kontrolli”. Çifti kishte 30 vjet bashkë.