6 arrestime në Astir, protestuesja: Gjaku të vejë në gju, s’i lëmë shtëpitë

Gjashtë persona janë arrestuar pas protestave të mbajtura në zonën e Astirit në kryeqytet. Arsyeja e ndalimit të tyre është se gjatë natës që lamë pas, ata kanë bllokuar rrugën.

Shoqërimit në polici nuk i ka shpëtuar dot as avokati Artan Manushaqja, i cili është mbrojtësi kryesor i protestës, pasi ka edhe banesën në zonën që mendohet të bëhet shembja e shtëpive.

Pas gjithë këtyre ngjarjeve, në një intervistë për FaxNews, një nga zërat më ë rezistentë të protestës, Lindita Protoduari është shprehur se ndaj tyre u sollën si nazistë, pa u dhënë asnjë mundësi komunikimi, nga përfaqësuesit e shtetit.

Ajo thotë se nuk do t'i lënë banesat, edhe sikur gjaku të vejë në gju.

Lindita shprehet:

Ne kemi qenë mbi 15 veta të shoqëruar dje në Polici. Dy nga banorëve iu kërkuan sendet personale, dhe donin që t'i mbanin të ndaluar. Por për shkak të problemeve të tyre shëndetësore i lanë të lirë. I bëjmë thirrje shtetit shqiptar që të vijë dhe të flasë më banorët, të mos i fusë në burgje, por të burgosë kriminelët. Gjaku në gju të vejë, ne nuk i lëmë. Na kanë vënë një kryq, dyerve, si të ishim nazistë, po zërin tonë nuk na e shuan njeri”.