Shqipëria u mund sot 1-0 në Turqi, ndërsa trajneri i Kombëtares, Edi Reja, foli pas ndeshjes duke komentuar lojën e zhvilluar nga ekipi i tij.
Reja u shpreh se skuadra ka pësuar rritje duke shtuar se ndeshja ishte thuajse perfekte. Italiani thotë se është kënaqur me lojën e djemve të tij në fushë dhe kjo situatë sipas tij është optimiste për të ardhmen.
Ai u shpreh:
Nuk jam i zhgënjyer se kemi bërë një ndeshje thuajse perfekte. Megjithatë, duhej ta mbyllnim se kishim 2-3 shanse dhe nëse do të kishim shënuar Turqia do ta kishte shumë më të vështirë, është fatkeqësi që pësuam këtë dëmtim në minutë të fundit e nuk e meritonim. Djemtë janë të mërzitur të gjithë, i gjithë populli shqiptar se kishim një shans të mirë për të shkuar në Europian, nuk është thënë ende fjala e fundit, por është thuajse e pamundur që të shkojmë në Europian, nuk kishim fatin me vete.
Ndonjëherë gabuam ndonjë pasim por ndodh se janë agresivë, kanë skuadër teknik dhe fizike, por i vendosëm në vështirësi edhe taktikisht, nuk mund t’i thuash asgjë për lojën e Shqipërisë gjë që mund të ndodhë, duhet të jesh më vendimtar në momentet e shënimit, kur të jepen duhen futur në rrjetë, jo se djemtë nuk duan ët shënojnë, pro duhet të jenë më efikas para portës e t’i fusin në rrjetë. Nëse nuk shënon, atëherë humb ndeshjet siç ndodhi.
Në fund të ndeshjes isha shumë i inatosur, por jo me lojtarët, me fatin e keq, që nuk na ndihmoi shumë në momentet e rëndësishme, u thashë që kanë bërë ndeshje të mirë, u bëra komplimente një nga një, se nuk ishte asnjë poshtë. E prisja këtë ndeshje se e dija që skuadra po rritet, kishim një test shumë të rëndësishëm dhe ky duhet të na japë siguri të nisemi, mund të luajmë kudo, se nëse luajmë si të barabartë e ndoshta superiorë ndaj këtij ekipi e me këtë atmosferë. Në këtë pikëpamje rritja na ka qenë, ka ende gjëra shumë ët vogla që duhet të rregullojmë.