Ylli i Barcelonës, Leo Messi e ndjen se këto janë vitet e fundit në karrierën e tij, pasi mosha kalon dhe muskujt nuk janë më dhe aq të freskët si para disa vitesh.
Së fundmi, në një intervistë të dhënë për "RAC1" argjentinasi ka zbuluar ekipin ku do e mbyllë karrierën si dhe ka deklaruar se i mungon Ronaldo.
Leo u shpreh:
Ideja ime është të jetoj gjithmonë në Barcelonë dhe ta mbyll karrierën pikërisht këtu. Kjo pasi unë ndihem mirë në këtë qytet, gjithashtu edhe fëmijët e mi.
Rinovimi? Për momentin nuk ka asgjë, por me klubin ne nuk kemi pasur kurrë probleme, dhe rinovimi ka qenë gjithmonë i thjeshtë. Nëse më duan, unë të qëndroj këtu përgjithmonë.
Pensionimi? Nga viti në vit e shikoj veten se si jam, nëse mund të vazhdoj ose jo. Mund të them se në moshën 35-36 vjeçare, unë mund të mos jem në gjendje të lëviz.
Ronaldo? Më mungon Ronaldo, do të doja që ai të kishte qëndruar te madrilenët. La Liga ishte më e fortë me prezencën e tij. Të gjithë u befasuam kur ai u largua, nuk e dimë arsyen. Reali po e ndjen mungesën e tij.”