JOQ Albania
Home

Kishte veshur jelekun e verdhë gjithë ditën, punonjësi përfundon me djegie serioze në shpinë
Shkruar nga: E Prifti | Publikuar më: 07/10/2019 19:39

  • Share
  • Share
  • Share
  • Share

Një mjeke në Australi ka ngritur alarmin për punëtorët që punojnë me jelek të verdhë në kohë me diell.

Dr. Iona Vlad ka paralajmëruar punonjësit që i mbajnë këta jelekë gjatë ditës që të kenë kujdes pasi një pacient u paraqit tek ajo me djegie të shkallës së parë për shkak të shiritave që ka jeleku.

40-vjeçari u paraqit në spital pasi kishte djegie në shpinë në një zonë që kishte marrë formën e shiritit të jelekut që mbante veshur. Ai tregoi se e kishte kaluar ditën duke punuar në diell dhe kur po zhvishej arriti të kuptonte se çfarë shenje i ishte krijuar në shpinë.

Pasi u kontrollua nga mjekia Iona Vlad, kjo e fundit arriti në përfundimin se bëhej fjalë për djegie të shkallës së parë.

Doktoresha shkruante rreth kësaj çështjeje në Australian Medical Journal:

Pacienti… e kishte me detyrim që të vishte jelekun gjatë gjithë ditës së punës dhe thotë se shiriti që ka në jelek, që shërben për t’u dalluar’ bëhet ekstremisht i nxehtë kur ai punon në diell."

Djegia në këtë rast u trajtua me krem aloe vera ndërsa pacientit iu dha edhe një qetësues për dhimbjet.

Vlad shpjegoi më tej se shiriti retro-reflektiv vihet zakonisht në veshje pune dhe si qëllim ka që të rrisë ‘dukshmërinë’ e personit që e ka veshur, sidomos gjatë natës.

Kështu, mjekia sygjeron që këta jelekë është më mirë të mbahen vetëm natën pasi në ditë me diell mund të shkaktojnë edhe djegie.

Burimi:LAD BIBLE|Përktheu dhe Përshtati: JOQ Albania

***

Për t’u bërë pjesë e grupit mjafton të klikoni: Join Group dhe kërkesa do t’ju aprovohet.
KOMUNITETI JOQ ALBANIA: https://m.facebook.com/groups/komunitetiJOQ/