Rrjetet sociale prej kohësh janë kthyer në një mënyrë shumë të mirë për të ekspozuar jetn e çdokujt apo pjesë nga jeta që ne duam t'i ndajmë me të tjerët. Mirëpo, siç e kemi thënë shpesh, jo çdo gjë është ashtu siç duket.
Po a duhet besuar gjithçka që shohim në foto dhe video? Sigurisht që jo dhe rasti i influencueses kineze Lisa Li Sina është shembulli që vërteton më së miri këtë gjë.
Bukuroshja kineze numëron mbi 1.1 milion ndjekësin në kanalin e saj Sina Weibo. Në të ajo reklamon jetën e saj luksoze, veshjet e shtrenjta, udhëtimet në destinacionet më mbresëlënëse.
Por gjërat nuk janë gjithmonë ashtu siç duken, dhe ky është rasti ideal për ta thënë këtë.
Qiradhënësia e saj, e identifikuar si zonja Chen, pas ankesave të shumta që i kishte bërë Lisës për apartamentin ku ajo banonte, postoi një video të gjendjes së mjerueshme në të cilën jetonte blogerja e luksit.
Shtëpia kishte muaj që nuk ishte pastruar. Ishte e mbushur me jashtëqitje qeni, insekte dhe fekale. Zonja e shtëpisë nuk e kuptonte sesi Lisa mund të jetonte në këtë shtëpi, e cila ishte në kushtet më të pista që kishte parë ndonjëherë, e ndërkohë të reklamonte në rrjetet sociale një jetë luksoze, nëpër restorante dhe vende të shtrenjta.
