Një ngjarje e rëndë u shënua mesditën e sotme në Paper të Elbasanit, ku si pasojë e një aksidenti rrugor humbën jetën 4 persona.
Tre automjete u përplasën me njëri-tjetrin. Dyshohet se shkak për aksidentin është bërë shpejtësia tej normave të lejuara e njërit prej automjeteve.
Në automjetin me drejtues 55-vjeçarin Gëzim Kotorri nga Gramshi, të gjithë pasagjerët ndërruan jetë, përfshi këtu edhe vetë shoferin.
Dy automjetet e tjera me drejtues shtetasit O.S, dhe E.R, kanë marrë plagë të rënda, por ndodhen jashtë rrezikut për jetën në spital.
Sipas burimeve, personat që ndërruan jetë në këtë aksident ishin nisur në një ceremoni mortore, dhe ndërruan jetë tragjikisht në aksidentin e rëndë.
Viktimat e aksidentit
Jonida Kotorri, 30 vjeç, me banim në Tiranë
Fatushe Agolli, 68 vjeç
Lumturi Hoxha, 58 vjeç
Gëzim Kotorri nga Gramshi, 55 vjeç, drejtues i mjetit