Tërmeti i së shtunës nuk ishte ndjerë në vendin tonë për gati 30 vite dhe dëmet që shkaktoi ishin të shumta.
Si pasojë e lëkundjeve, më shumë se 100 persona u paraqitën në spitale për të marrë ndihmë mjekësore e shumë ndërtesa u shkatërruan duke bërë që shumë qytetarë ta kalonin natën jashtë.
Ndërkohë, janë publikuar edhe shifrat e para të dëmeve të shkaktuara nga lëkundjet e forta të tokës nga tërmeti me magnitudë 5.8 pasditen e së shtunës.
Sipas kreut të Emergjencave Civile, Haki Çako, si pasojë e dridhjeve të tokës janë 1528 objekte të dëmtuara, nga të cilat 50 banesa janë shkatërruar plotësisht.
Ai u shpreh për News 24:
Situata paraqitet më problematike në një sërë fshatrash të Durrësit, por edhe të Tiranës, Ndroqit, Vorës, Maminasit, ku banesat janë shkatërruar pothuajse tërsish.
Nga fotot edhe videot e shumta të publikuara deri më tani mund të shihen pasojat shkatërruese të tërmetit të së shtunës. Mure të krisura, suva të rrëzuara, makina të shkatërruara, orëndi shtëpiake të rrëzuara në tokë e etj. Por ka pasur dhe shumë qytetarë që janë lënduar në panik e sipër ndërkohë që përpiqeshin të largoheshin nga ambientet e mbyllura.
Një prej tyre madje përfundoi me lëndime serioze në shtyllën kurrizore pasi ishte hedhur nga dritarja.
Gjatë ditës së sotme nuk ka pasur lëkundje të forta, ndërsa sipas sizmologëve pritet që 'pasgoditjet' të jenë gjithnjë e më të lehta derisa të shuhen tërësisht.
