Pas tërmeteve të njëpasnjëshme që ndodhen gjatë natës, në orët e para të mëngjesit të sotëm, në rrugën Pogradec-Korçë ka ndodhur një aksident i rëndë ku për pasojë një person ka humbur jetën.
Një automjet që drejtohej nga një 35-vjeçar ka përplasur një të moshuar i cili ka ndërruar jetë pas plagëve të marra.
Informacion paraprak:
Më datë 22.09.2019, rreth orës 04.00, në rrugën Pogradec-Korçë, në fshatin Gështenjas, shtetasi A.Sh, 35 vjeç, banues në Tiranë, duke drejtuar mjetin tip “Opel”, ka aksidentuar shtetasin Z.L, 89 vjeç, banues në fshatin Vërdovë, këmbësor në rrugë, i cili për pasojë ka gjetur vdekjen. Drejtuesi i mjetit ndodhet i shoqëruar në ambjentet e Komisariat, ku po kryhen veprimet e mëtejshme proceduriale. Grupi Hetimor, po punon për sqarimin e rrethanave të ngjarjes.