Interi është duke i surprizuar të gjithë gjatë këtyre ditëve të fundit të merkatos. Pasi mori para pak ditësh në ekip, Romelu Lukakun, tashmë, klubi zikaltër kagati edhe një tjetër surprizë të madhe për tifozët.
Goditja e radhës me shumë mundësi do jetë sërish nga Manchester United dhe është fjala për Alexi Sanchez. Sipas Sky Sport, sulmuesi ka rënë dakord me kushtet personale me Interin dhe agjenti i tij po po bisedon detajet e fundit me Manchester Unitedin.
Mësohet se dëshira e madhe e futbollistit kilian është të punojë me Antonio Conten dhe të marrë pjesë në Ligën e Kampionëve. Gjithçka mund të mbyllet me një marrëveshje huazimi me mundësi për ta blerë në fund të sezonit
Kostoja e transferimit pritet të jetë rreth 20 milionë euro. Ky do ishte një rikthim në Serie A për 30-vjeçarin, i cili në të kaluarën ka luajtur i për Udinesen nga viti 2007-11, përpara se të transferohej te Barcelona, Arsenali dhe më pas te Manchester United.