Tifozët e Real Madridit duhet të presin ende për të parë debutimin zyrtar të Eden Hazard te ekipi i tyre. Për fatin e keq, ylli belg, duhet të shtyjë debutimin e tij në La Liga për shkak të një dëmtimi të pësuar së fundmi në stërvitje
Ka qenë pikërisht, stafi mjekësor i Realit, i cili ka vënë në dijeni klubin se sulmuesi belg ka një dëmtim në kofshën e këmbës së majtë. Kështu, do të jetë jashtë për ndeshjen e nesërme kundër Celta Vigos e cila do jetë e para për sezonin e ri
Sipas disa raporteve në Spanjë, lojtari mund të mungojë deri në 3 ose 4 javë dhe kjo situatë penalizon jashtë mase trajnerin Zidane i cili e llogariste belgun si titullar që në fillim. Për fatin e tij të keq, tekniku francez duhet të nisë kampionatin pa blerjen më të mirë të kësaj vere.