Fatet e Romës, Interit, Napolit dhe Juventusit janë të varura nga Mauro Icardi. Sulmuesi argjentinas nuk ka vendosur ende për të ardhmen e tij. "Zonja e vjetër" nuk ka arritur akoma të gjejë një destinacion për Dybalën, pavarësisht sinjaleve të shumta.
Kjo për shkak se ai dëshiron që të jetë pjesë e ekipit të Sarrit. Edhe tifozët bardh e zinj gjithashtu nuk duan që "Joya" të largohet. Pa shitjen e Dybalës, Juve do ta ketë të vështirë të arrijë te Mauro Icardi.
Duke parë se tratativa është e komplikuar, Icardi mund t'i thotë "po" përfundimisht Romës, çka do të zhbllokonte edhe operacionin e Dzekos te Interi. Ndërkohë Corriere dello Sport flet për një marrëveshje të fshehtë mes Romës, Napolit dhe Interit, që sheh Mauron me fanellën e Napolit dhe Milik verdh e kuq.
Ndërkohë nga ana tjetër Marotta po përgatit një klauzolë anti-Juve për Icardin. Mësohet se Marotta ka zbuluar se Roma ka në plan që ta shesë pas një viti Icardin te Juventusi, për këtë arsye do të vendosë një klauzolë që ta ndalojë një gjë të tillë. Gjithashtu zikaltrit do të futen në marrëveshje me Juventusin për Icardin, vetëm në rast se do të bëhet një shkëmbim me Dybala.
Burimi: Sportmediaset|Përktheu dhe përshtati: JOQAlbania
