Neymar duket se do të jetë telenovela më e madhe e kësaj merkato verore. Pas prishjes së marrëdhënieve të brazilianit me drejtuesit parizienë, Barcelona po kërkon me ngulm ta rikthejë në "Camp Nou".
Të interesuara për kalimin e brazilianit tek Barcelona janë edhe klubet italiane të Interit dhe Juves. Me kalimin në Barcelonë të brazilianit, do të rriteshin mundësitë e transferimit të Dybala në Paris.
Barcelona në tratativën për Neymar ka futur në marrëveshje disa lojtarë, midis të cilëve dhe Ivan Rakitic. Ky i fundit nuk e ka pritur mirë faktin që është përdorur si një mall për shkëmbim dhe për këtë arsye e ka refuzuar.
Nga ana tjetër Interi është shumë i vëmëndshëm në këtë situatë, pasi prej kohësh ka shfaqur interesim për kroatin. Zikaltërit do të përpiqen të shfrytëzojnë krisjen e kroatit me Barcelonën, për ta sjellë atë në Milano.
Burimi: Calciomercato|Përktheu dhe përshtati: JOQ Albania