Prej disa ditës një thashethem i bujshëm merkatoje, po bën xhiron e gjithë mediave më të mëdha sportive në europë dhe jo vetëm.
Flitet se Milani do të afrojë Luka Modricin në këtë merkato vere, madje për këtë transferim ka shprehur gatishmërinë edhe vetë "Topi i Artë" i vitit që shkoi.
Megjithetë, asgjë nuk është e vërtetë dhe për t’i shuar njëherë këto zëra ka menduar, drejtuesi i Milanit, Zvonimir Boban, i cili në një intervistë për “La Gazzetta dello Sport”, ka sqaruar situatën.
Ai është shprehur:
Paolo Maldini e ka deklaruar njëherë para 20 ditësh, se Modriç, nuk do të jetë lojtari ynë, por meqë po flitet përsëri për këtë temë, po ia u them edhe unë. Lojtari më i mirë i botës, vitin e kaluar, nuk do të luajë për ne sezonin e ardhshëm. Do të ishte fantastike ta kishim në skuadër, por e kjo është e vërteta. Ai do të qëndrojë edhe këtë sezon te Real Madridi. Luka është një person dhe një lojtar i nivelit të lartë. E falënderojmë atë që na ka uruar për sezonin e ri, dhe jemi të kënaqur që ai simpatizon klubin tonë, që kur ishte i vogël. Gjithsesi duhet të sqarojmë disa gjëra, për respekt të tifozëve.”.