Sulmuesi shqiptar, Albian Ajeti po kalon një moment të mirë në Zvicër te Bazeli dhe ka rënë në fokusin e shumë ekipeve të njohura europiane.
Futbollisti shqiptar i cili luan për kombëtaren e Zvicrës, është gati të hedhë një hap të rëndësishëm në karrierën e tij.
Sipas zviceranes "Blick", klubi i njohur nga Premier League, West Ham ka shfaqur interes për qendërsulmuesin dhe thuhet të ketë gati 8 milionë euro për të.
Një ofertë e parezistueshme për klubin zviceran, që tashmë duket i dorëzuar.
Megjithatë, West Ham duhet të veprojë shpejt pasi vetëm për pak ditë mbyllet merkato e anglezëve dhe lëvizja duhet kryer në kohë rekord.
Kujtojmë që Albian Ajeti është vëlla me mbrojtësin e kombëtares shqiptare, Arlind Ajetin, por ndryshe nga vëllai i tij, ai ka zgjedhur të luajë me Zvicrën.
***
Për t’u bërë pjesë e grupit KOMUNITETI JOQ ALBANIA mjafton të klikoni: Join Group dhe kërkesa do t’ju aprovohet. KOMUNITETI JOQ ALBANIA: https://m.facebook.com/groups/komunitetiJOQ/