Bill Gates dhe familja e tij kanë vendosur që prej disa ditësh të kalojnë pushimet në brigjet e Adriatikut.
Themeluesi miliarder i Microsoft po kalon verën në qytetin bregdetar malazez të Tivatit. Ai ndodhet në qendrën detare-turistike të Porto Montenegro.
Njeriu i dytë më i pasur në botë thuhet se po qëndron në Hotel Regent dhe çdo ditë po shfrytëzon edhe fushat e tenisit në Porto Montenegro.
Ata që e kanë parë Gatesin dhe familjen thonë se janë njerëz shumë të thjeshtë dhe spontanë. Familja e Gates ka mbërritur në shtetin malazez me jahtin që paguan rreth 1.4 milion dollarëve në javë taksa.
Sipas revistës Forbes, Gates ka pasuri prej 95.4 miliardë dollarësh, duke e bërë atë personin e dytë më të pasur në botë pas themeluesit dhe CEO-s të Amazonit, Jeff Bezos.