Një shkencëtar spanjoll pretendon se ka krijuar me sukses hibridin e parë njëri-majmun në botë në një laborator në Kinë.
Sipas Juan Carlos Izpisúa Belmonte, embrioni hibrid ishte i shëndetshëm dhe mund të kishte lindur nëse procesi nuk do të abortohej.
Studiuesit pohojnë se ata modifikuan gjenetikën e embrionit në mënyrë që të çaktivizonin gjenet brenda embrionit të majmunit, të cilat janë përgjegjëse për formimin e organeve.
Pas kësaj, ata injektuan në embrion qelizat burimore të njeriut, të cilat janë të afta të krijojnë çdo lloj indi.
Nëse kjo është plotësisht e vërtetë, mund të jetë një revolucion në shkencë, që do të mundësojë përdorimin e kafshëve për transplante të organeve njerëzore.
Ky eksperiment u zhvillua në Kinë, pasi në Spanjë është i ndaluar, sipas ligjeve.
Teksa ekipi ende nuk ka publikuar detajet e zbulimit të tyre, ata kanë raportuar atë që ka ndodhur në gazetën spanjolle "El Pais".
Belmonte njihet për krijimin e hibridit e parë njeri-derr në vitin 2017.
Ai tha se ekipi i tij kreu "eksperimentin e parë hibrid në botë mes njeriut dhe derrit", megjithëse rezultatet e tyre asokohe nuk ishin aq të suksesshme.
Duke folur për eksperimentin e derrit, kolegu i Belmonte dhe veterineri i Universitetit të Kalifornisë Pablo Ross tha:
Por ky eksperiment i dështuar, ishte mësim për ta. Që atëherë ata kanë krijuar modele të tjerë organizmash që përmbajnë dy ADN të ndryshme, për speciet që kanë ngjashmëri të mëdha me njëra tjetrën.
Profesori Belmonte tha:
Një nga bashkëpunëtorët në eksperimentin më të fundit njeri-majmun, Estrella Nunez, tha që rezultatet ishin shumë premtuese.
Sidoqoftë, Nunez shpjegoi se nëse ndonjë nga qelizat burimore fillon të formojë një tru njerëzor, ata do të 'vetë-shkatërrohen'.
Burimi: LADBible | Përktheu dhe Përshtati: JOQ Albania
