Jennifer Lopez e ka festuar ditëlindjen e saj të 50-të në një festë madhështore ku të ftuar ishin 250 persona.
Këngëtarja kishte në krah të saj të fejuarin Alex Rodriguez ndërsa mes të ftuarve përfshihej DJ Khaled dhe Ashanti.
Festa u mbajt në shtëpinë 32 milionë dollarëshe të J.Lo në Miami të mërkurën mbrëma.
Edhe pse sapo mbushi plot 50-vjeç këngëtarja ishte më në formë se kurrë dhe dukej rrëzëllitëse në një fustan ngjyrë ari.
Vajza e ditëlindjes ishte e vetmja që ishte veshur nga këmbët te koka me ngjyrë ari pasi ishte siguruar që t’u kërkonte të ftuarve që të visheshin me të bardha.
Ndërkohë që Lopez mbushi plot 50-vjeç ditën e sotme, një kirurg plastik ka treguar se këngëtarja dhe aktorja ka tiparet e një femre pothuajse dy dekada më të re.
Kirurgu anglez Julian De Silva ka analizuar fotot e yllit të Hollivudit duke nisur që nga viti 1999 deri në ditët e sotme me anë të një softueri, dhe sipas tij, mosha e fytyrës së saj është 32-vjeç.
Burimi:Mail Online|Përktheu dhe përshtati:JOQ Albania