Një modele nga Australia ka shpërthyer në lot pas përhapjes së lajmit se Instagrami do të heqë së shpejti numrin e pëlqimeve në postime.
Në përpjekje për të hequr presionin psikologjik tek përdoruesit, platforma në pronësi të Facebook ka njoftuar se do të heqë numrin e pëlqimeve.
Gjithsesi, në këtë rast, dëmi më i madh iu bëhet influencuesve të cilët kanë një numër të madh ndjekësish dhe fitojnë para me anë të reklamimit apo sponsorizimeve.
Ndërkohë modelja Mikaela Testa, e cila ka më shumë se 50,000 ndjekës në llogarinë e saj në Instagram ka filmuar veten duke qarë për shkak të heqjes së pëlqimeve.
Qëkur Instagrami i ka ndërruar planet ajo ka vënë re se angazhimi i audiencës në postimet e saj ka rënë.
Duke treguar se sa shumë kjo i dëmton influencuesit, Mikaela thotë se ajo fiton 1,000 dollarë për çdo 1,000 pëlqime që merr.
Burimi:LAD BIBLE|Përktheu dhe përshtati:JOQ Albania
