Mjekët dhe infermierët shqiptarë po ikin masivisht nga vendi e u janë drejtuar vendeve si Gjermania, e cila u ofron pagë dhe kushte të mira jetese.
Mirëpo, me sa duket, edhe ata pak mjekë që kanë ngelur në vend, kanë zhgënjyer mjaft pacientë duke i bërë ata të mendojnë se janë të paaftë.
Më poshtë po ju njohim me një denoncim të ardhur ditën e sotme në redaksinë e JOQ.al.
Është një vajzë e re, e cila tregon rastin e saj dhe problemin që i shkaktoi një mjeke në spitalin “Koço Gliozheni”.
Siç tregon vajza, e cila ka preferuar të ngelë anonime, teksa ishte në fillimet e një shtatzënie, kishte shkuar në maternitetin shtetëror për të bërë një eko.
Mjekja i kishte konfirmuar se ishte në javën e 9 dhe pa i sqaruar asnjë gjë, i kishte dhënë një recetë për të bërë 5 gjilpëra progresteron për 5 ditë me radhë.
Të parën ia kishte bërë vetë mjekja në spital.
Me këmbënguljen e të ëmës, vajza shkon dhe bën një eko tjetër, në mënyrë private.
Aty mëson se emrioni pak më shumë se dy muajsh që ishte krijuar në mitrën e saj, nuk kishte rrahje zemre.
Pra, mjekja e maternitetit “Koço Gliozheni”, pa i bërë me dije nënës se statzënia ishte ndërprerë dhe se duhej të merrte masat e nevojshme për të nxjerrë embrionin nga mitra e të pastrohej, i dha progresteron.
E reja nuk nguron të shajë mjekësinë e degraduar si dhe të lutet në Zot për t'u mbrojtur nga këta mjekë.
Ajo shkruan pranë JOQ.al:
Hormoni më i rëndësishëm në promovimin e një shtatzënie të shëndetshme është e progesteroni, që do të thotë "pro" (mbështetës) "gesterone" (shtatzëni).
Pra, progresteroni përdoret në rastet e rrezikut të dështimeve, për të forcuar shtatzëninë dhe për të ulur rriskun e dështimit.