Kriza politike/ Ndërkombëtarët mbledhje urgjente në selinë e OSBE në Tiranë, ja çfarë do të vendosin

Kriza e thellë politike në Shqipëri, ka bërë që disa ndërkombëtarë të mblidhen urgjentisht në selinë e OSBE në Tiranë.

Përveç se kundër dhunës, flitet se tashmë ata kanë marrë vendimin jo vetëm në favor të mbajtjes së zgjedhjeve vendore, por edhe një nismë të re, që do të ulte palët në tryezë për zgjidhjen e krizës politike.

“Realstory” raporton se nisma për zgjidhjen e krizës politike në vend, do të fillojë pasi të mbahen zgjedhjet e 30 qershorit.

Deklarata:

Nisma, duket ka mbështetjen e OSBE dhe të Kuintit, pra edhe të Gjermanisë, Britanisë dhe Italisë. Të gjithë këta përfaqësues pritet të mblidhen mëngjesin e të martës në selinë e OSBE në Tiranë. Me një mungesë të madhe: Shtetet e Bashkuara të Amerikës”.

Tashmë rruga për mbajtjen e zgjedhjeve të 30 qershorit, tashmë është hapur me vendimin e Kolegjit Zgjedhor, megjithatë kriza politike në vend jo vetëm është thelluar, por lëvizjet e radhës të opozitës pritet të bëhen edhe më të ashpra.