Trajnerit të ri të Juventusit, Maurizio Sarrit nuk i pritet të nisë punën në stolin bardhezi. Ai ka nisur menjëherë përgatitjet dhe sipas mediave italiane ka kërkuar një takim kokë më kokë me Cristiano Ronaldon.
Pavarësisht se ky i fundit, po pushon me familjen, Sarri i ka kërkuar takim dhe është nisur bashkë me drejtorin Paratiçi për ta takuar.
Fillimisht ishte vendosur që takimi mund të bëhej në Greqi, në një prej ishujve ku portugezi 34-vjeçar po kalon pushimet me familjen e tij, por gjithçka ndryshoi dhe biseda mes tyre u zhvillua në bregdetin francez.
CR7 ishte ai që ndryshoi vendin e takimit, duke qenë se kishte vendosur që ndalesën e radhës me jahtin e tij ta bënte në rivierën franceze dhe Sarri e Paratiçi e kanë ndjekur.
Sarri ka dashur që të ndajë me liderin e Juventusit idetë e tij mbi lojën e sezonit të ardhshëm, lidhur edhe nga disa pakënaqësi që vetë iberikasi kishte shfaqur në sezonin e sapombyllur kundrejt ideve të Alegrit.
Për trajnerin e ri, filozofia sulmuese që kërkon Ronaldo është aprovuar totalisht, por mesa duket edhe Sarri ka dashur që të marrë aprovimin e vetë sulmuesit që nga sivjet e në vazhdim të luajë në qendër të sulmit.
Kjo në mënyrë që Cristiano të jetë sa më pranë portës dhe të shfrytëzojë në mënyrën maksimale potencialin goditës të ish-yllit të Realit të Madridit.
Palët, siç mësohet, janë ndarë të lumtura dhe të kënaqura pas këtij diskutimi prej 4-5 orësh, i shoqëruar edhe me një drekë të Maurizio Sarrit, së bashku me Paratiçin dhe familjen e futbollistit.
Burimi: The Sun| Përshtati: JOQ Albania