Kryetari i partisë Zgjidhja, Koço Kokëdhima, ish-deputet i PS-së, ka hedhur akuza të forta ndaj qeverisë dhe veçanërisht ndaj kryeministrit Edi Rama.
I ftuar në emisionin “Të Paekspozuarit”, Kokëdhima, komentoi përgjimet e publikuara nga gazeta gjermane “Bild”, ndërsa theksoi se Rilindja nuk i ka blerë votat vetëm në Dibër, por në mbarë Shqipërinë.
Sipas tij, Rilindja është një organizatë kriminale në pushtet.
Deklarata e Kokëdhimës:
Ajo që ka ndodhur në Dibër ka ngjarë në të gjithë Shqipërisë. Këtu qeveria ka bashkëpunuar me bandat dhe kriminelët. Kjo ka ndodhur jo vetëm në Dibër, por në mbarë Shqipërinë. Qeveria ka me vete edhe Prokurorinë, edhe gjykatat. Ky është një shtet kriminel. Prokurorët nuk hetojnë, sepse është një pushtet i zotëruar politikisht”.
Koço Kokëdhima, dikur mentori i Edi Ramës, ka deklaruar gjithashtu se Rama, është një manjak për pushtet dhe pasuri.
Kokëdhima shtoi më tej se:
Edi Rama është një manjak për pushtet dhe pasuri. Nuk kam pikë dyshimi për këtë gjë. Kam shumë informacion se cfarë ndodh në këtë vend. Edi Rama ëshë manjak për pushtet dhe para. Ai sot vërtet i ka akumuluar të gjithë pushtete, por është i vdekur, është moralisht dhe politikisht i mbaruar”.
