Kryeministri Edi Rama pasditen e sotme ishte në qytetin e Shkodrës, ku vazhdoi me fushatën elektorale.
Hyrjen në këtë qytet, ai nuk e pati edhe aq të lehtë. Me mijëra qytetarë të revoltuar nga qeverisja e tij kanë bllokuar rrugët.
Pamjet nga qyteti i Shkodrës të jepnin përshtypjen se vendi ynë është në gjendje lufte. Me mijëra qytetarë kanë marshuar nën thirrjet “Rama ik”. Në këtë qytet verior nuk kanë munguar as përplasjet midis policisë dhe protestuesve.
Drejt tyre policia ka hedhur gaz lotsjellës dhe ujë me kripë. Por kjo gjë nuk e pengoi Ramën, jo shumë larg vendit ku u zhvillua kjo protestë ai vazhdoi me fushatën elektorale.
Rama në këtë qytet kishte me vete 15 badigardë. Së fundmi në rrjet po qarkullon një foto ku njëri prej badigardëve mban në dorë një çantë anti-plumb.
Ajo çka ra tjetër në sy në këtë protestë ishte se në krah të Ramës ishte edhe ish-deputeti socialist Tom Doshi.