Ditën e sotme ishte prezantimi zyrtar i Mauricio Sarrit si trajner i Juventusit.
Në konferencën për shtyp, tekniku u shpreh se të jesh pjesë e bardhezinjve është një kënaqësi e madhe, pasi Juventusi është klubi më i rëndësishëm në Itali.
Gjatë intervistës, ai u është përgjigjur pyetjeve të gazetarëve, të cilët me dashje e kanë bërë të flasë për Napolin dhe tradhtinë ndaj tyre, siç thonë napoletanët.
Sarri u shpreh:
Juventusi? Në Premier League ishte shumë mirë, por më pas ndjeva dëshirën për t’u rikthyer në Itali. Dhe Juventusi, klubi më i rëndësishëm në Itali, më dha këtë mundësi. Ishte një ndjesi e fortë kur më kontaktoi Juventusi, nuk kam parë asnjëherë një shoqëri të jetë kaq e vendosur për të marrë një trajner."
Ronaldo? Dua të ndikojë për mirë te rekordet e Ronaldos. Po flasim për një top-player, atë që qëndron më lartë se të tjerët që kam stërvitur. Do të doja ta ndihmoja që të arrinte shifra më të rëndësishme. Kam stërvitur edhe te Çelsi apo te Napoli lojtar të mirë”.
Tradhtia? Ish-lojtarët e mi më kanë quajtur tradhtar, por mund ta thonë këtë gjë për të jetuar më mirë aty dhe për t’u përshtatur, ndërsa mesazhet private janë shumë ndryshe, nuk mund t’i zbuloj. Në Napoli, mënyra si ika, ndodhi për një zgjedhje të huaj për respekt. Në jetën time kam respektuar këdo. Për fanellat që kam përfaqësuar kam dhënë 110%, siç do bëjë edhe te Juventusi”.
